कोजागिरी पौर्णिमा हा लक्ष्मीपूजन, धन-धान्यवृद्धी आणि आयुर्वेदिक दृष्ट्या महत्त्वाचा असा विशेष उत्सव आहे. ही शरद ऋतूतील सर्वात महत्त्वाची पौर्णिमा मानली जाते. या दिवशी महालक्ष्मीची पूजा करून समृद्धीची प्रार्थना केली जाते, तसेच आरोग्यदायी परंपरांचे पालन केले जाते.

या रात्री चंद्र पृथ्वीच्या अधिक जवळ असून तो सोळा कलांनी परिपूर्ण मानला जातो, त्यामुळे या दिवसाला विशेष आध्यात्मिक आणि आरोग्यदायी महत्त्व प्राप्त होते.

या दिवशी सद्गुरूंच्या सानिध्यात श्रीक्षेत्र मवेशी येथे पौर्णिमेचा हवन आयोजित केला जातो. त्यानंतर प्रसाद वितरण होते. मग सद्गुरूंचा गुरुबोध होतो आणि रात्रभर अखंड जागरण करण्यात येते.